© GettyImages
Il-konsultazzjoni se tiġbor eżempji prattiċi u tiċċara kwistjonijiet relatati ma’ sistemi tal-IA b’riskju għoli. Dan il-feedback se jitqies fil-linji gwida li jmiss tal-Kummissjoni dwar il-klassifikazzjoni tas-sistemi tal-IA b’riskju għoli, u r-rekwiżiti u l-obbligi relatati. Se tiġbor ukoll input dwar ir-responsabbiltajiet tul il-katina tal-valur tal-IA.
L-Att dwar l-IA jidentifika żewġ tipi ta’ sistemi tal-IA “b’riskju għoli”: (1) importanti għas-sikurezza tal-prodotti skont il-leġiżlazzjoni armonizzata tal-Unjoni dwar is-sikurezza tal-prodotti; u (2) dawk li jistgħu jaffettwaw b’mod sinifikanti s-saħħa, is-sikurezza jew id-drittijiet fundamentali tan-nies f’każijiet ta’ użu speċifiċi elenkati fl-Att dwar l-IA.
Il-partijiet ikkonċernati, inklużi l-fornituri u l-iżviluppaturi ta’ sistemi tal-IA b’riskju għoli, in-negozji u l-awtoritajiet pubbliċi li jużaw tali sistemi, kif ukoll l-akkademja, l-istituzzjonijiet tar-riċerka, is-soċjetà ċivili, il-gvernijiet, l-awtoritajiet superviżorji, u ċ-ċittadini b’mod ġenerali huma mistiedna jaqsmu l-fehmiet tagħhom.
Il-konsultazzjoni se tkun miftuħa għal 6 ġimgħat sat-18 ta’ Lulju 2025.
Tista’ taqra aktar informazzjoni dwar l-Att dwar l-IA.